Kryeministrja e Serbisë Ana Bërnabiq ka reaguar pas fjalës së presidentit të Shqipërisë, Ilir Meta në Jahorinë të Bosnjë e Hercegovinës, duke thënë se Samiti i Procesit të Bashkëpunimit të vendeve të Evropës Juglindore (SEECP) nuk e njeh shtetin e Kosovës dhe se nuk ka vend për provokime.
Presidenti i Shqipërisë, Ilir Meta, ndër të tjera, ka kërkuar nga Bosnja të njohë realitetin se Kosova është shtet i pavarur dhe sovran.
“Është realitet se Kosova është vend i pavarur dhe sovran. Nuk kemi si të shtiremi sikur kemi bashkëpunim të mirë rajonal nëse disa nga pjesëmarrësit e SEECP-it bëjnë gjithë çfarë munden për të përjashtuar disa shtete nga mundësia që të kenë dobi nga nisma rajonale", tha ai.
Por, Bërnabiq tha se "SEECP nuk e njeh të Kosovën, sikurse edhe nikoqirja, BeH, andaj nga pikëpamja diplomatike është më korrekte që kjo të respektohet".
Ajo gjithashtu tha se i është dhënë fund ‘keqkuptimit” në lidhje me deklaratën e kryeministrit bullgar Bojko Borisov mbi pavarësinë e Kosovës.
“Bullgaria është një partner i madh i Serbisë”, tha Brnabiq, duke shtuar se nuk ka nevojë për tension mes dy vendeve.
