Simiq tregon se a do të marrë pjesë Lista Serbe në zgjedhjet e parakohshme - Bota Sot
Simiq tregon se a do të marrë pjesë Lista Serbe në zgjedhjet e parakohshme

Lajme

Simiq tregon se a do të marrë pjesë Lista Serbe në zgjedhjet e parakohshme

Më: 21 korrik 2019 Në ora: 19:46
Igor Simiq

Të gjitha partitë në vend deri më tani janë deklaruar se janë të gatshme për zgjedhje të parakohshme.

Të premten, Ramush Haradinaj ka dhënë dorëheqje nga posti i kryeministrit të vendit, kjo për shkak të ftesës nga Gjykata Speciale në cilësinë e të dyshuarit.

Në bazë të Kushtetutës, me dorëheqjen e tij nënkuptohet edhe rënia e Qeverisë.

Menjëherë pas dorëheqjes së tij, partitë në Kosovë u shprehën të gatshme dhe kërkuan zgjedhje të parakohshme.

Edhe Lista Serbe ka lënë të nënkuptojë se do të marrë pjesë në këto zgjedhje.

Nënkryetari i Listës Serbe, Igor Simiq, ka thënë se Qeveria e Kosovës ka rënë në momentin kur kjo parti u largua nga Qeveria e jo tani kur Haradinaj ka dhënë dorëheqje.

“Ne gjithmonë do të luftojmë për popullin tonë, populli serb dëshiron përfaqësues legjitim”, ka thënë Simiq për “Tv Prva”.

Ai po ashtu shtoi se Qeveria e Kosovës ka rënë në momentin kur Lista Serbe është larguar nga Qeveria e jo tani kur Haradinaj ka dhënë dorëheqje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...