Kryetari i Pejës, Gazmend Muhaxheri, është treguar i ashpër kur është pyetur se a do të hiqet taksa ndaj mallrave serbe.
Ai në Debat Plus, Muhaxheri ka thënë se këta persona që e kanë vënë taksën, kanë bërë pazare që 20 vjet me Serbinë.
“Ku ishin këta zotëritë që 20 vjet që nuk e vendosën taksën ndaj mallrave serbe. Janë pikërisht këta që e kanë vendosur që kanë bërë pazare me mallra serbe e me Serbinë. Kanë bërë biznes me këtë gjë që 20 vjet”, ka thënë Muhaxheri.
Ai ka thënë se vendosja e taksës ndaj mallrave serbe ka qenë gabim, dhe sipas tij ajo duhet të hiqet.