Këshilltari i presidentit të SHBA-së John Bolton pritet të vizitojë Beogradin dhe Prishtinën deri në fund të gushtit ose fillimin e shtatorit, raporton gazeta serbe Blic.
Sipas Blic, SHBA njëkohësisht niset në ofensivë kur bëhet fjalë për zgjidhjen e çështjes së Kosovës dhe rifillimin e dialogut midis Beogradit dhe Prishtinës.
Gazeta kujton se Bolton tha vitin e kaluar se Shtetet e Bashkuara nuk përjashtojnë korrigjimin e kufijve, duke dhënë kështu ‘dritën e gjelbër’ për demarkacionin ndërmjet serbëve dhe shqiptarëve.
