Aleanca për Serbinë (SZS) tha sot se presidenti Aleksandar Vuçiq kishte urdhëruar pjesëtarët e Ushtrisë së Serbisë të rrahin popullin, duke u përleshur me ta gjatë protestës "Një në pesë milionë" të shtunën para Presidencës.
"Aleksandar Vuçiq gënjen me paturpësi se u informua për gjithçka vetëm pas mesnatës - disa orë pas ngjarjes së turpshme. Dhe ushtarët u abuzuan. Vuçiq i poshtëroi ata, duke i punësuar të rrahin popullin e tyre dhe në këtë mënyrë i uli në nivelin e falangës së tifozëve të tij", tha Aleanca për Serbinë në një deklaratë.
Aleanca theksoi se Serbia është bërë një fuçi baruti dhe se Vuçiq është përgjegjës për të gjitha konfliktet civile që tronditin Serbinë.
"Vetëqeverisja e tillë duhet të vihet në rrugë të mbarë. Mund të dalim nga kaosi politik vetëm me zgjedhje të drejta. Për të mundësuar këtë, duhet të përmbushen kërkesat precize dhe të qarta që kemi përshkruar, të cilat janë të përfshira në raportin e ekipit të ekspertëve të protestave "1 nga 5 milionë", shton deklarata.
Gjatë protestës “Një nga pesë milionë” të shtunën erdhi deri te një incident kur një nga organizatorët e protestës, Srdjan Markoviq, u sulmua.
Markoviq tha sot se incidenti përfshinte jo vetëm anëtarët e njësisë ‘Kobra’ të Ushtrisë serbe, por edhe sigurinë private, dhe i kërkoi ushtrisë që të njoftojë se kush ishte oficeri i detyrës të shtunën mbrëma dhe kush urdhëroi rrahjen brutale.
