Brnabiq: Një palë s’mund të fitojë gjithçka dhe tjetra të humbë gjithçka - Bota Sot
Brnabiq: Një palë s’mund të fitojë gjithçka dhe tjetra të humbë gjithçka

Lajme

Brnabiq: Një palë s’mund të fitojë gjithçka dhe tjetra të humbë gjithçka

Më: 9 shtator 2019 Në ora: 13:08
Ana Brnabiq

Kryeministrja e Serbisë Ana Brnabiq tha sot se shpreson që pas zgjedhjeve në Kosovë, bisedimet për një zgjidhje afatgjatë, të qëndrueshme dhe kompromis midis Beogradit dhe Prishtinës do të vazhdojnë.

"Shpresoj që pas zgjedhjeve, ne do të kemi njerëz që janë mjaft të guximshëm dhe të përgjegjshëm, mbi të gjitha ndaj qytetarëve tanë, dhe të aftë të flasim për një zgjidhje afatgjatë, të qëndrueshme. Do të jemi atje", tha Brnabiq në një konferencë shtypi në Luksemburg.

Brnabiq, duke iu përgjigjur pyetjeve të një gazetari nga Luksemburgu, tha se Beogradi është i përkushtuar për të gjetur një zgjidhje afatgjatë me Prishtinën, por që duhej të ishte një zgjidhje kompromisi.

"Një palë nuk mund të fitojë gjithçka dhe tjetra të humbë gjithçka," tha Brnabiq.

Ajo shpjegoi se dialogu u pezullua kur Prishtina zyrtare vendosi taksat për mallrat nga Serbia dhe BeH.

"Nëse ndaloni qarkullimin e mallrave, atëherë nuk kemi çfarë të flasim," tha Brnabiq, duke shtuar se Prishtina zyrtare duhet të tërheqë vendimin për taksën, e vendosur në nëntorin e vitit të kaluar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...