Aleksandar Vulin u ka bërë thirrje serbëve në Kosovë që në zgjedhjet e ardhshme të 6 tetorit të votojnë për Listën Serbe.
Ministri serb i Mbrojtjes, Aleksandar Vulin u ka bërë thirrje serbëve në Kosovë që në zgjedhjet e ardhshme të 6 tetorit të votojnë për Listën Serbe sepse në këtë mënyrë votojnë lidhjen me Beogradin dhe Qeverinë serbe.
Ai për “TV Pink” ka deklaruar se zyrtarët nga Kosova kanë frikë nga Lista Serbe sepse e dinë se ajo listë do të jetë në raportet më të mira në lidhje me Beogradin.
“Shqiptarët kanë frikë nga Lista Serbe dhe sinqerisht kanë frikë nga Aleksandar Vuçiq. Lista Serbe në bashkëpunim me Beogradin gjithmonë do të jetë me popullin dhe qeverinë e saj. Me kë tjetër duhet të jetë?”, deklaroi Vulin.
“Të gjithë ata që mundohen të fitojnë vota nga shqiptarët dhe në atë mënyrë të paraqiten rrejshëm si përfaqësues të serbëve në mënyrë që të hyjnë në parlamentin e Kosovës dhe të mbështesin nesër qeverinë e shqiptarëve, nuk punojnë për Serbinë”, shtoi ai.
