Gjuriq i frikësohet forcave politike të Kosovës që po vijnë në pushtet - Bota Sot
Gjuriq i frikësohet forcave politike të Kosovës që po vijnë në pushtet

Lajme

Gjuriq i frikësohet forcave politike të Kosovës që po vijnë në pushtet

Më: 31 tetor 2019 Në ora: 07:40
Marko Gjuriq

Drejtori i Zyrës për Kosovën në Qeverinë e Serbisë, Marko Gjuriq, ka thënë se në Kosovë po vijnë në pushtet forcat politike të cilat , kanë treguar se janë kundër dialogut.

Siç raporton “Beta”, Gjuriq në një takim me ambasadorin suedez në Serbi, Jan Lundin, ka thënë se ‘Serbia do të bëjë të gjitha përpjekjet për të shmangur destabilizimin e rajonit dhe të vazhdojë dialogu midis Beogradit dhe Prishtinës, por me kusht që autoritetet në Prishtinë të krijojnë parakushte minimale për këtë”.

Gjuriq ka thënë se përcaktimi strategjik i Beogradit është forcimi i bashkëpunimit rajonal dhe krijimi i parakushteve për avansim të përbashkët ekonomik dhe demokratik.

Ai tha se “gjuha e kërcënimeve, ultimatumeve dhe shantazheve, me të cilat po shërbehet Prishtina nuk i kontribuon arritjes së këtij qëllimi”.

Shfaq komentet
comments powered by Disqus
Sot mund të lexoni Shfletoni kopertinat