Presidenti serb Aleksandar Vuçiq sot do të takohet me Kryeprokurorin e Mekanizmit për Gjykatat Penale Ndërkombëtare në Hagë, Serge Brammertz.
Takimi do të mbahet në orën 10.00.
Brammertz, i cili po qëndron për një vizitë dyditore në Beograd, është takuar të hënën me prokuroren e krimeve të luftës Snezhana Stanojkoviq.
Sipas Prokurorisë së Krimeve të Luftës në Serbi, një nga temat e këtij takimi të rregullt ishte përgatitja për raportin gjashtëmujor të Brammertz në Këshillin e Sigurimit mbi bashkëpunimin e Serbisë me Mekanizmin dhe zbatimin e strategjisë kombëtare të krimeve të luftës.
