Vjen reagimi i parë nga Serbia pas takimit mes Sveçlës e Gjuriqit - Bota Sot
Vjen reagimi i parë nga Serbia pas takimit mes Sveçlës e Gjuriqit

Lajme

Vjen reagimi i parë nga Serbia pas takimit mes Sveçlës e Gjuriqit

Më: 8 dhjetor 2019 Në ora: 00:01
Foto nga takimi

Reagimet e para kanë ardhur nga Serbia pas publikimit të fotografive takimit mes anëtarit të Kryesisë së Lëvizjes Vetëvendosje,  Xhelal Sveçla, dhe drejtorit të të ashtuquajturës zyrë për Kosovën në Qeverinë e Serbisë, Marko Gjuriq.

Lideri djathtist opozitar, Bosko Obradoviq, përmes një postimi në Twitter ka thënë se Vuçiq po e negocion futjen e fshehtë të Listës Serbe në Qeverinë e Albin Kurtit.

Sipas Obradoviqit, Vuçiq dhe njerëzit e tij janë të gatshëm të bëjnë gjithçka për pushtet.

“A s’është ky Marko Gjuriq duke negociuar me njerëzit e Kurtit në Tiranë? Përderisa Vuçiqi është hero i mediave, ky njeri negocion futjen e Listës Serbe në një qeveri separatist në Prishtinë, dhe kush e di se çka tjetër. Ashtu siç ata e përkrahën Qeverinë Haradinaj. Ata bëjnë gjithçka për pushtet”, ka shkruar Obradoviq.

Shfaq komentet
comments powered by Disqus
Sot mund të lexoni Shfletoni kopertinat