(E plotësuar) - Richard Grenell është emëruar Drejtor në detyrë i Inteligjencës Kombëtare në Washington DC.
Presidenti i SHBA-ve, Donald Trump ka zyrtarizuar Richard Grenell si Drejtor në detyrë të Inteligjencës Kombëtare në Washington DC.
Ai konfirmoi lajmin e prestigjiozes “New York Times” që kishte raportuar për emërimin e Grenellit duke u bazuar në burime të saj. Trump e zyrtarizoi vendimin me një postim në Twitter.
I am pleased to announce that our highly respected Ambassador to Germany, @RichardGrenell, will become the Acting Director of National Intelligence. Rick has represented our Country exceedingly well and I look forward to working with him. I would like to thank Joe Maguire....
— Donald J. Trump (@realDonaldTrump) February 20, 2020
“Kam kënaqësinë të lajmërojë që Ambasadori shumë i respektuar në Gjermani, Richard Grenell do të jetë Drejtor i Inteligjencës Kombëtare. Rick e ka prezantuar vendin tonë jashtëzakonisht mirë dhe mezi po pres që të punojë më të. Dua ta falëndëroj Joe Maguire për punën e mrekullueshme që ka bërë dhe ne do të punojmë edhe me atë, ndoshta në një pozitë tjetër brenda administratës!”, shkroi Trump.
Grenell e mori pozitën nga Joseph Maguire i cili kishte shërbyer në rol pas dorëheqjes në verën e shkuar nga Dan Coats, ish senator republikan nga Indiana.
Grenell në rolin e emisarit për Kosovën, arriti dy marrëveshje në mes të Kosovës dhe Serbisë, atë për transportin ajror dhe një tjetër për hekurudhat.
***
Kjo lëvizje bën që një njeri besnik i Trumpit të jetë në krye të Agjencisë Inteligjente, e cila shikohet me skepticizëm në Shtëpinë e Bardhë
Presidenti Trump pritet që ta emërojë Richard Grenell, Ambasadorin amerikan në Gjermani, si Drejtor të Inteligjencës Kombëtare, dy burime të afërta me këtë çështje kanë thënë të mërkurën për New York Times.
Grenell, i cili gjatë gjithë karrierës së tij ka vepruar si operativ politik dhe mandej si ambasador ka nxitur kritika të shumta, ai është një zë dhe njeri i besueshëm i Trumpit i cili do të udhëheq grupin e Agjencisë për Siguri Kombëtare, por kjo po shikohet me shumë skeptizëm nga Shtëpia e Bardhë.
Ai do ta merr këtë pozitë nga Joseph Maguire, i cili ka shërbyer si shef i Inteligjencës kombëtare pas dorëheqjes nga kjo pozitë verën e kaluar te Dan Coats, një ish senator republikan nga Indiana. Grenell, i cili ka qenë një avokues i të drejtave të homoseksualeve edhe në postin e tij aktual, do të jetë anëtar i parë i tillë në kabinetin e Trump, i cili hapur ka deklaruar se është homoseksual.
Grenell nuk është përgjigjur për këtë çështje e as zëdhënësi i Shtëpisë së Bardhë. Burimet e afërta me këtë lëvizje kanë tërhequr vërejtën se historia e këtij presidenti tregon se ai ndryshon mendim kur është puna për personelin e tij sidomos të atyre që zbulohen nga mediat.
