Ambasadori i Gjermanisë në Kosovë, Christian Heldt, i është bashkuar sot fushatës së “#visa4children” të Zyrës së UNICEF-it në vend.
Fushata kishte për qëllim ngritjen e vetëdijes për nevojat e fëmijëve me aftësi të kufizuara, që jetojnë në Kosovë.
Heldt është ulur në një nga karrocat e fushatës, për të përjetuar se ç’do të thotë të duash të qasesh diku, e të mos arrish për shkak të barrierave fizike nëpër shumë hapësira, përfshirë edhe shkollat.
Ambasadori ka marrë shumë lëvdata për gjestin e tij të mirë në ndihmë të fëmijëve me aftësi të kufizuara.