Pasi qeveria Hoti hoqi masat për udhëtarët, ditën e sotme pika kufitare e Morinës i është rikthyer normalitetit. Pala e Kosoves dhe ajo shqiptare operojnë vetëm me kontrollin e dokumenteve të identifikimit.
Fluksi i lartë i qytetarëve ka bërë që të krijohen radhë të gjata që në orët e para të mëngjesit. Në pikën kufitare ishte i pranishëm edhe ministri i Shëndetësisë së Kosovës, Armend Zemaj, i shoqëruar nga drejtori i IKSHPK-së, Naser Ramadani, kryeinspektorja shëndetësore, Nora Krasniqi dhe kryeinspektori i Agjencisë së Ushqimit dhe Veterinës së Kosovës, Ibrahim Tërshnajku.
