Kryetari i Skenderajt Bekim Jashari përmes një postimi të tij ë “Facebook”ka bërë të ditur se ka vizituar fshatin Aqarevë dhe ka treguar se ka parë nga afër këtë proces dhe ka uruar bujqit për punën e tyre duke shpresuar që ky vit të jetë i bereqetshëm dhe puna e tyre të paguhet,transmeton “Bota sot”.
Ai ka thënë se së fundmi kemi hapur gjithashtu thirrjen për aplikim për grante për gjithë fermerët e interesuar për bimë bujqësore, mjete, sera e grante të tjera.
Postimi i tij i plotë:
Sot vizitova fushatën e korrje-shirjeve në fshatin Aqarevë, ku pashë nga afër këtë proces dhe urova bujqit për punën e tyre duke shpresuar që ky vit të jetë i bereqetshëm dhe puna e tyre të paguhet.
Po ashtu u shpreha i lumtur që gjatë mandatit tim qeverisës i kemi dhënë prioritet fushës së bujqësisë ku kemi pesëfishuar buxhetin për këtë sektor, duke përkrahur kështu bujqit dhe fermerët me subvencione të ndryshme.
Gjatë këtij viti janë mbjellë rreth 5 mijë hektar me grurë, tërësisht në sektorin privat, ndërsa rendimentet janë të kënaqshme.
Së fundmi kemi hapur gjithashtu thirrjen për aplikim për grante për gjithë fermerët e interesuar për bimë bujqësore, mjete, sera e grante të tjera.
Bëjë thirrje që të punohet sa më shumë me tokat, në mënyre që me vonë të korrim fryte nga to.