Macron e çon në një dhomë private Vuçiqin, ja çka folën për një orë e gjysmë - Bota Sot
Macron e çon në një dhomë private Vuçiqin, ja çka folën për një orë e gjysmë

Lajme

Macron e çon në një dhomë private Vuçiqin, ja çka folën për një orë e gjysmë

Më: 10 korrik 2020 Në ora: 00:19
Aleksandar Vuçiq dhe Emmanuel Macron

Presidenti serb Aleksandar Vuçiq është deklaruar pas takimit me homologun e tij francez, që sot e kishte nikoqir, Emmanuel Macron në Pallatin Presidencial të Parisit.

Vuçiq për mediat serbe ka thënë se Macron e ka çuar në një dhomë të veçantë jozyrtare dhe kanë biseduar privatisht për një orë e gjysmë.

I pari i serbëve tha se i shkoi muhabeti me francezin.

“Ai më çoi në dhoma që nuk janë një zyre zyrtare, kështu që unë munda të shihja dhoma të veçanta të presidentëve francezë. Macron kujtoi emocionet që përjetoi në Beograd. Ai tregoi për mikpritjen e jashtëzakonshme. Më duhet të them që ne e kuptojmë mirë njëri-tjetrin, Macron gjithmonë flet gjuhë të qartë”.

Në takimin e dy presidentëve janë diskutuar tri tema kryesor: Samiti i nesërm ku rifillon dialogu Kosovë-Serbi, marrëdhëniet bilaterale Francë-Serbi dhe e ardhmja e Europës dhe e Serbisë në Bashkimin Europian, shkruan B92.

“Është me rëndësi thelbësore që mësova nga Macron se si ai e sheh Europën dhe botën në të ardhmen, me një përmbledhje kryesore të rrugës europiane të Serbisë”.

Shfaq komentet
comments powered by Disqus
Sot mund të lexoni Shfletoni kopertinat