Haradinaj – Stublla: Me Kroacinë mike në krah, rrugëtimi euro-atlantik është shteg më i sigurt - Bota Sot
Haradinaj – Stublla: Me Kroacinë mike në krah, rrugëtimi euro-atlantik është shteg më i sigurt

Lajme

Haradinaj – Stublla: Me Kroacinë mike në krah, rrugëtimi euro-atlantik është shteg më i sigurt

Më: 10 korrik 2020 Në ora: 21:13
Meliza Haradinaj

Ministrja e Punëve të Jashtme dhe Diasporës, Meliza Haradinaj – Stublla, ka zhvilluar sot një bisedë telefonike me homologun e Kroacisë, Ministrin e Punëve të Jashtme dhe Çështjeve Evropiane, Gordan Grlić Radman.

Me këtë rast Haradinaj- Stublla ka vlerësuar lartë angazhimin e Kroacisë për Kosovën.

“Kroacia ka qenë gjithmonë shtyllë përkrahjeje dhe miqësie për Kosovën. Me kombin kroat na lidhë historia, e tashmja dhe ardhmja. Kur Kroacia ka qëndruar e fortë, edhe ne kemi qenë më të fortë”, ka deklaruar Haradinaj-Stublla.

Duke kujtuar rrugëtimin e Kroacisë në strukturat euro-atlantike Haradinaj-Stublla është shprehur se ky proces mund të shërbej si mostër për Republikën e Kosovës.

“Rrugëtimi euro-atlantik i Kroacisë, ka qenë dhe është udhërrëfyes për Kosovën. Me Kroacinë mike në krah, ky shteg është më i sigurt”, është shprehur ministrja Haradinaj – Stublla.

Me këtë rast Haradinaj – Stublla ka uruar homologun e saj kroat për fitoren e zgjedhjeve së cilës i takon ai (HDZ).

Shfaq komentet
comments powered by Disqus
Sot mund të lexoni Shfletoni kopertinat