Kryeministri Avdullah Hoti përmes një postimi të tij në “Facebook” ka bërë përgëzime për përmbylljen me sukses të zgjedhjeve parlamentare në Maqedonin e Veriut,transmeton “Bota sot”.
Ai ka thënë se pret që së shpejti të punoj me Qeverinë e re duke nisur nga një mbledhje e përbashkët për të shqyrtuar thellimin e bashkëpunimit në mes të dy vendeve tona.
Postimi i plotë:
Përgëzime për përmbylljen me sukses të zgjedhjeve parlamentare në Maqedoninë e Veriut.
Presim që shpejt të punojmë me Qeverinë e re që do të formohet në Shkup, duke nisur nga një mbledhje e përbashkët për të shqyrtuar thellimin e bashkëpunimit në mes të dy vendeve tona.
Urime shqiptarëve për numrin rekord të deputetëve në Kuvend.