Mediat greke: Pse Erdogani vendosi sot të hap Aja Sofian?

Lajme

Mediat greke: Pse Erdogani vendosi sot të hap Aja Sofian?

Më: 24 korrik 2020 Në ora: 19:56
Recep Tayyip Erdogan

Presidenti turk, Recep Tayyip Erdogan ka zgjedhur një ditë simbolike për namazin e parë të myslimanëve në Aja Sofia.

I pari i shtetit turk vendosi të ndërmarrë këtë hap në 97-vjetorin e Marrëveshjes së Lozanës së vitit 1923, shkruan portali grek Ekatimerini.

Duket se dëshira për të krijuar probleme për Greqinë dhe pjesën tjetër të Bashkimit Evropian është pjesë e fitores së tij, shkruhet më tutje.

Erdogan dërgoi një anije detare në kërkim të naftës në një zonë që është pjesë e brezit kontinental të Greqisë.

Me lutjen e sotme nën kupolën madhështore të Aja Sofias, me mozaikë të krishterë të fshehur, Erdogan po bën gjithçka që mundet për të anuluar arritjet e themeluesve të shtetit laik turk.

Mustafa Kemal Ataturk mirëpriti Traktatin e Lozanëve nga viti 1923 si “një fitore politike pa humbës në historinë e epokës Osmane”.

Përveç vendosjes së paqes midis Turqisë e aleatëve të mëdhenj – Britanisë, Francës dhe Italisë – dhe mes Turqisë dhe Greqisë, Traktati “njohu Turqinë si shtet të pavarur, riparoi kufijtë e saj dhe zbatoi parimet dhe standardet e fuqishme të “botës së civilizuar”, për të cilën Mustafë Kemal ka insistuar gjithmonë”.

U deshën shtatë vjet diplomaci intensive për të arritur një marrëveshje miqësie Greqi-Turqi. Pas pak, Ataturk e ktheu Aja Sofian në një muze.

Katedralja e Madhe, e përfunduar në vitin 537, u shpall xhami kur Mehmeti II pushtoi Kostandinopojën në 1453.

Tani Erdogan, sipas portalit, po përpiqet të fshijë trashëgiminë e Ataturkut, duke e prezantuar veten si pasardhësin e pushtuesve si restaurues të Perandorisë Osmane. Kjo shpjegon shkeljet e shpeshta të kufijve dhe sovranitetin e vendeve fqinje, sfida të vazhdueshme për Greqinë dhe Qipron. 

 

Image

 

Shfaq komentet
comments powered by Disqus
Sot mund të lexoni Shfletoni kopertinat