Ministri i Drejtësisë,Selim Selimi ka bërë të ditur se pas tërheqjës nga procedurat e Kuvendit të Projektligjit të procedures Penale Grupi punues me urgjencë ka filluar punën për plotësimin dhe ndryshimin e këtij kodi.
Ai ka thënë se anëtarët e Grupit Punues, i ka siguruar për mbështetjen të plotë në ofrimin e kushteve të duhura profesionale për punë,. Transmeton “ Bota sot”.
Sipas tij çështjet që do të adresohen janë rregullimi i gjykimit në mungesë dhe suspendimi I zyrtarëve të lartë publikë,që akuzohen për vepra penale.
Postimi i plotë:
Pas tërheqjes nga procedurat e Kuvendit të Projektligjit të Kodit të Procedurës Penale në qershor të këtij viti, grupi punues me urgjencë ka filluar punën për plotësimin dhe ndryshimin e këtij kodi, në mënyrë që të finalizohet në kohë optimale.
Anëtarët e Grupit Punues, në takimin nismëtar, i sigurova për mbështetjen time të plotë në ofrimin e kushteve të duhura profesionale për punë. Është përgjegjësi e jona, që sfidave me të cilat ballafaqohet sistemi ynë gjyqësor dhe prokuroial, t’iu gjejmë zgjidhje, duke avancuar legjislacionin për ta bërë këtë kod më efikas për sistemin e drejtësisë penale.
Dy çështjet kryesore që do të adresohen janë rregullimi i gjykimit në mungesë dhe suspendimi i zyrtarëve të lartë publikë, që akuzohem për vepra penale. Kriminelët e luftës që fshihen në Serbi do të jenë subjekt i drejtësisë së Kosovës!