Thelbi i politikës së Serbisë është ruajtja e paqes edhe stabilitetit si për qytetarët tanë po ashtu edhe për regjionin ku jetojmë tha sot presidenti i Serbisë Vuçq në adresimin për qytetarët, shkruan “Blic”, transmeton “Bota Sot”.
“Në harmoni me këtë kemi vendosur të marrim pjesë në dialogun me Prishtinë me ndërmjetësimin e BE-së me qëllim të zgjidhim problemet e shumë dekadave që kemi” tha ai.
Ai tha se sot në Bruksel, ekipin e bisedimeve e udhëheq Gjuriq që është i përgatitur por edhe Serbia është gati për hapjen e arkivave dhe këtë do kërkoj edhe nga Prishtina.
Kur flitet për ekonomi, Vuçiq tha se Serbia është e gatshme të bisedoj për ekonomi dhe ajo është diçka thelbësore për përparim në shekullin 21..
Vuçiq tha se në konkluzionet e Këshillit Atlantik që mbajti dje video-samit me përfaqësues të Ballkanit ka hyr edhe qëndrimi për liri lëvizje edhe qarkullimi të mallrave.
“Një është liria e qarkullimit të njerëzve, mallrave edhe kapitalit e shërbimeve, pasi vetëm për lëvizjen e kamionëve si regjion humben 26 milionë orë në vit në regjion. Pika e dytë janë projektet që kemi përgatitur dhe që janë dorëzuar” tha Vuçiq.
“Kur është fjala për Kosovën, jam i befasuar me deklaratën e Hotit se në Bruksel po përgatitet marrëveshja. Ne për atë nuk dimë asgjë, por do të kërkojmë që të bisedohet dhe të përmbushen gjithë ajo që u nënshkrua në Bruksel. Ne nuk na intereson çka është në harmoni me Kushtetutën e Kosovës dhe çka nuk është, por të përmbushen obligimet. Në harmoni m këtë, ne në Bruksel jemi me besim të mirë –tha Vuçiq.