Në 24 orët e fundit në Kosovë janë shënuar edhe 16 viktima nga Covid-19, dhe numri i rasteve vazhdon të jetë i lartë. Por kjo nuk po i pengon qytetarët në Kosovë që të organizojnë dasma.
Një e tillë u zhvillua edhe këto ditë, ku pamjet direkt i transmetoi këngëtari, Labinot Rexha, i cili kishte kënduar në këtë dasmë.
Në bazë të videos së publikuar nga këngëtari, shihet numri i madh i njerëzve pjesëmarrës. Kurse në bazë të vendimit të qeverisë së Kosovës, është ndaluar mbajtja e dasmave dhe ahengjeve të ndryshme në vend, për shkak të pandemisë Covid19.
