Nëntë qytetarë të Dragashit kanë humbur jetën qysh nga fillimi i pandemisë Covid-19, si pasojë e këtij virusi.
Këtë e ka bërë të ditur kryetari i Dragashit, Shaban Shabani.
“Me lirimin e masave ndoshta ka qenë edhe pritur se do të rritet numri. Ne po bëjmë gjithçka që është e mundur që t’i lokalizojmë ato raste. Që nga fillimi i pandemisë deri sot kemi 50 raste të konfirmuara me Covid-19, për fat të keq 9 prej tyre nuk kanë mundur ta përballojnë. 20 raste janë të shëruar, ndërsa mbi 20 raste janë aktive deri më sot”, ka konfirmuar ai.
Në ndërkohë sot Instituti kombëtar i Shëndetësisë Publike ka njoftuar edhe për dy raste të reja me Coronavirus në këtë qytet.
