Gjykata në Beograd ia kthen Prokurorisë aktakuzën kundër Mehmetajt për plotësim - Bota Sot
Gjykata në Beograd ia kthen Prokurorisë aktakuzën kundër Mehmetajt për plotësim

Lajme

Gjykata në Beograd ia kthen Prokurorisë aktakuzën kundër Mehmetajt për plotësim

Më: 6 gusht 2020 Në ora: 08:29
Nezir Mehmetaj

Gjykata e Lartë në Beograd ia ka kthyer Prokurorisë aktakuzën kundër kosovarit Nezir Mehmetaj për plotësim. Dhe, është hera e tretë që ndodh kjo.

Prokuroria e Serbisë ka ngritur aktakuzë ndaj Mehmetajt para një muaji, por tashmë asaj i është kthyer për plotësim, njoftoi Kossev të mërkurën.

Prokuroria ka ngritur aktakuzën me pretendimin se Mehmetaj ka kryer krime lufte gjatë vitit 1999 në fshatin Rudicë të Klinës.

Mehmetaj është arrestuar më 3 janar të këtij viti në pikëkalimin kufitar në Merdar dhe që nga atëherë është në paraburgim.

Avokatët mbrojtës të Mehmetajt, kanë thënë se kjo është hera e tretë që Gjykata ia kthen Prokurorisë lëndën për plotësim, për t’ia dhënë edhe një shans për mbledhje të provave që nuk i ka e as që ekzistojnë.

Ditë më parë, ministri i Drejtësisë i Kosovës, Selim Selimi, përmes një letre ka kërkuar tashmë nga ish-shefja e Zyrës së Bashkimit Evropian në Kosovë, Nataliya Apostolova, që ta përdorë fuqinë diplomatike që të bindë Serbinë ta kthejë në Kosovë Nazir Mehmetajn.

Shfaq komentet
comments powered by Disqus
Sot mund të lexoni Shfletoni kopertinat