Ish-kryetari i komunës së Skenderajt, Sami Lushtaku duket se s’po e ndien fare situatën e krijuar nga pandemia COVID-19.
Bashkë me disa anëtarë të tjerë të PDK-së e ish-bashkëluftëtarë sonte janë mbledhur në një odë në Gollak.
Me ushqim e pije të shumta në sofra, Lushtaku e miqtë e tij kanë përkujtuar të kaluarën e popullit, duke këmbyer ide për të tashmen e të ardhmen.
Por në kohën kur virusi është rrezikshmëri e madhe për të gjithë, të njëjtit nuk kanë as distancë, as maska dhe nuk po respektojnë asnjë masë të vendosur nga institucionet shtetërore për pandeminë COVID-19.
“Sonte në Gollak, bashkë me një pjesë të bashkëluftëtarëve të kësaj ane. Është kënaqësi e madhe sa herë jemi së bashku, për të kujtuar të kaluarën e popullit tonë si dhe për të këmbyer idetë për të tashmen dhe të ardhmen e shtetit dhe shoqërisë sonë. SL”, tha Lushtaku.
