Perovic: Beogradi ka tendenca për t’i dhënë fund ekzistencës së popullit malazez

Lajme

Perovic: Beogradi ka tendenca për t’i dhënë fund ekzistencës së popullit malazez

Më: 4 shtator 2020 Në ora: 15:54
Latinka Perovic

Latinka Perovic një historiane dhe politikane e njohur serbe e quajtur edhe si “Nëna e një Serbie tjetër”, ish-kryetare e “Forumit të Gruas Anti-Fashiste të Serbisë” e më vonë edhe Sekretare e Komiteti Qendror të Lidhjes së Komunistëve të Serbisë ka thënë për Radio Sarajevën se rezultati zgjedhor në Mal të Zi mund të çojë drejt destabilizimit të rajonit.

E pyetur se si i sheh rezultatet e zgjedhjeve të fundit parlamentare në Mal të Zi dhe gjithçka që ndodhu më pas duke përfshirë edhe trazirat, Perovic ka thënë se nuk është e befasuar me atë që po ndodh në Mal të Zi, pasi që ka qenë duke ndodhur për një kohë të gjatë që nga shfaqja e Slobodan Milosheviqit dhe programit të tij nga eksporti i revolucionit anti-burokratik në Malin e Zi, nga federatë Serbo-Malazeze, nga lufta e lëvizjes sovraniste të Malit të Zi për emancipim, tek referendumi për shkëputje të Malit të Zi nga Serbia.

“Mendoj se është një konflikt i dy tendencave të vazhdueshme. Një pretendim nga Beogradi për të përfunduar ekzistencën e popullit malazez, për të penguar të arriturat e fundit. Kjo është një gjë e vjetër për mendimin tim një humbës në planin afatgjatë. Por mund të shkaktojë një ngecje në Mal të Zi dhe mund të shkaktojë probleme mjaft serioze në rajon. Sepse Mali i Zi ka lidhje të shkëlqyeshme me të gjitha shtetet e rajonit.

Tani nëse këto të gjitha duhet të ndryshojnë varësisht nga qeveria e tanishme, mendoj se janë pritje të rrezikshme por shpresoj që nuk do të jetë e mundur”, ka thënë ajo.

commentFirst article
Sot mund të lexoni Shfletoni kopertinat