Formimi i Asociacionit të komunave serbe në Kosovë nuk do të jetë temë e takimit të nesërm me përfaqësuesit e Kosovës e Serbisë në kuadër të dialogut për normalizimin e marrëdhënieve mes tyre.
Përfaqësuesi i veçantë i BE-së për dialog Miroslav Lajçak ka thënë se do të bisedohet për dy tema, por ndër to nuk do të jetë Asociacioni i komunave serbe, siç ka deklaruar delegacioni serb.
"Presidenti Vuçiq dhe kryeministri Hoti janë marrë vesh që negociatorët e tyre do të vazhdojnë bisedimet mbi pretendimet e ndërsjella financiare dhe statusin e komuniteteve jo-shumicë. Të dy temat janë shumë komplekse. Kjo është arsyeja pse nesër ne do të diskutojmë pretendimet financiare dhe marrëveshjet për komunitetet jo-shumicë në ditët në vijim", ka shkruar Lajcak në Tëitter, transmeton N1.
