Deputeti nga radhët e Lëvizjes Vetëvendosje, Hekuran Murati, ka reaguar në lidhje me Projektiligjin për 10 % të Trustit, i cili nuk u miratua dje.
Murati tha se nuk është e nevojshme të preken kursimet e qytetarëve, ai shtoi se janë 300 milionë euro financim e kredi shtesë që Kuvendi i ka vënë në dispozicion qeverisë.
Deputeti i Lëvizjes Vetëvendosje kërkoi nga qeveria të tregoj se ku mbeten këto para dhe pse nuk po ndihmohen qytetarët e vendit.
“Ku mbetën këto para? Pse nuk po ndihmohen qytetarët e bizneset tani? Pse po u dashka të preken kursimet e qytetarëve, kur kjo qeveri i ka 300 milionë euro në dispozicion? Apo ndoshta këto para po i ruajnë për t’u dhënë tenderë firmave të veta?”, ka thënë Murati, përcjell “Bota sot”.
Postimi i plotë
Janë rreth 300 milionë euro financim e kredi shtesë që Kuvendi i ka vënë në dispozicion kësaj qeverie jolegjitime për t’u ardhur në ndihmë qytetarëve e bizneseve.
Ne si Lëvizje Vetëvendosje! i kemi votuar të gjitha marrëveshjet financiare ndërkombëtare për të mundësuar ratifikimin e tyre me 80 vota, megjithëse jemi në opozitë.
Ku mbetën këto para? Pse nuk po ndihmohen qytetarët e bizneset tani?
Pse po u dashka të preken kursimet e qytetarëve, kur kjo qeveri i ka 300 milionë euro në dispozicion? Apo ndoshta këto para po i ruajnë për t’u dhënë tenderë firmave të veta?