Vazhdojnë t’ia mësyjnë bregdetit, mbi 7 mijë qytetarë hynë në Shqipëri sot

Lajme

Vazhdojnë t’ia mësyjnë bregdetit, mbi 7 mijë qytetarë hynë në Shqipëri sot

Më: 19 shtator 2020 Në ora: 22:15
Foto ilustrim

Shqiptarët e Kosovës vlerësohet se shpëtuan sezonin turistik mes pandemisë së koronavirusit në Shqipëri, ndërsa po shtyjnë përtej verës.

Mbi 7 mijë persona hynë nga Morina vetëm mëngjesin e së shtunës, ku pjesa më e madhe kishin si destinacion bregdetin.

Ulja e temperaturave nuk u bë pengesë as këtë fundjavë për fluksin e pushuesve që ishte thuajse i ngjashëm me atë të javëve të kaluara.

Më të shumtët ishin për pushimin e fundjavës, por kishte edhe prej atyre që kanë zgjedhur vjeshtën për të pushuar në bregdet.

Për të shmangur radhët Policia kufitare në Morinë vijon të aplikojë procedurën e përshpejtuar.

Turizmi patriotik ia doli të shpëtojë sezonin turistik mes pandemisë, ndërsa tashmë po e shtyn përtej muajve të verës!

800 mijë shqiptarë nga Kosova përllogaritet se hynë në Shqipëri përgjatë gushtit, ndërsa prej janarit numri i tyre shkon mbi 1 milionë.

commentFirst article
Sot mund të lexoni Shfletoni kopertinat