Familjarët janë të bindur që vrasja e Qerim Kelmendit ishte politike, akuzojnë me emër

Lajme

Familjarët janë të bindur që vrasja e Qerim Kelmendit ishte politike, akuzojnë me emër

Më: 20 shtator 2020 Në ora: 20:01
Qerim Kelmendi

202 ditë më pas, gjurmët e krimit janë ende në vendngjarje. Në orët e hershme të 27 shkurtit, ishte kryer një akt makabër ndaj një ish pjesëtari të UÇK’së.

Krejt kjo kishte ndodhur pasi të njëjtit i ishte organizuar një pritë, nga disa persona të pa identifikuar.

Megjithëse ende nuk dihet se kush janë ata, familjarët e viktimës dyshojnë në shtetin serb.

Osman Kelmendi është i bindur që vrasja e vëllait të tij kishte prapavijë politike.

Ndonëse ishte diskutuar mjaftë se i ndjeri kishte qenë dëshmitar i Zyrës së Prokurorit të Specializuar me seli në Hagë, kjo është mohuar nga Kelmendi.

E tashmë ky rast është duke u hetuar nga Prokuroria Speciale, me të cilët Osman Kelmendi po takohet e po bashkëpunon.

Ky thotë se ka besim që prokurorët do e zbardhin këtë rast, por shpreson se nuk do të vonohen.

Sipas tij, ai ka marr premtim edhe nga krerët e shtetit që do angazhohen për të ndihmuar në gjetjen e vrasësit.

Ndërkohë ka kontaktuar edhe me prokurorin e rastit, Haki Gecaj, por ky i fundit përmes telefonit nuk ka dhënë detaje rreth procesit të hetimeve.

I ndjeri Qerim Kelmendi, ka qenë pjesë e Ushtrisë Çlirimtare të Kosovës që nga fillimet e saj. 

commentFirst article
Sot mund të lexoni Shfletoni kopertinat