Përfaqësuesi special i BE-së, Miroslav Lajçak ka zhvilluar takim me ministrat e Evropës qendrore –lindore ku është shqyrtuar situata dhe gjendja në dialogun mes Beogradit dhe Prishtinës, shkruan “Kosovo-online”, transmeton “Bota Sot”.
Ai këtë njoftime e ka bërë në rrjetin social në Tviter, ku ka falënderuar vendet e kësaj pjese të Evropës për mbështetjen që ato i dhanë në vazhdimin e punës në procesin e dialogut.
"Faleminderit Austri, Çeki, Hungari, Slloveni dhe Sllovaki në interesimin tuaj për procesin e dialogut mes Prishtinës edhe Beogradit dhe në mbështetjen e fuqishme punës sime në këtë proces”, ka shkruar Lajçak në Tviter.
Ministrat e vendeve të Evropës qendrore e lindore (C5) janë takuar me të dërguarin special të BE-së për dialogun mes Beogradit dhe Prishtinës dhe Ballkanin Perëndimor në Bruksel në margjina të takimit të Këshillit të BE-së.