Profesori amerikan: Partitë politike në Kosovë nuk po tregojnë si do ta stimulojnë ekonominë

Lajme

Profesori amerikan: Partitë politike në Kosovë nuk po tregojnë si do ta stimulojnë ekonominë

Më: 9 shkurt 2021 Në ora: 22:19
Foto ilustrim

Profesori amerikan dhe eksperti i Ballkanit, Alon Ben-Meir nëpërmjet një postimi në rrjetet sociale ka kritikuar partitë politike në Kosovë të cilat nuk po shpalosin qartë planet e tyre ekonomike nëse udhëheqin me qeverinë.

Ben-Meir ka pyetur se çfarë do të bëjnë partitë politike për ta stimuluar ekonominë kur në Kosovë shkalla e papunësisë varion nga 25 deri në 30 për qind.

Ai ka pyetur se si do të modernizohet sektori i prodhimit, si do të riorganizohet tregtia, çfarë do të bëhet me energjinë dhe me pasuritë minerale në Kosovë.

“Meqenëse ekonomikisht Kosova vuan nga papunësia e lartë që varion nga 25 deri në 30 për qind, çfarë lloj programi zhvillimi kanë ndonjë nga partitë garuese për të stimuluar ekonominë? Si planifikojnë ata të modernizojnë sektorin e prodhimit në vend? Si do ta riorganizojnë tregtinë? Çfarë hapash do të ndërmarrin ata për ta bërë vendin energjikisht të pavarur? Dhe sa në mënyrë efektive mund të përdorë Kosova burimet e saj natyrore, veçanarisht argjendin, plumbin dhe një mori mineralesh, për të siguruar një fitim neto nga tregtia e tyre dhe përfundimisht ta bëjnë Kosovën të pavarur nga ndihma e huaj e cila zakonisht vjen me vargje të bashkangjitura?”, shkruan Ben-Meir.

Partitë politike në Kosovë nuk kanë paraqitur planprogramet e tyre të detajuara lidhur me qeverisjen e tyre në rast se do t’i fitojnë zgjedhjet.

commentFirst article
Sot mund të lexoni Shfletoni kopertinat