Ky është personi ndaj të cilit u ngrit aktakuzë për masakrën e Izbicës

Lajme

Ky është personi ndaj të cilit u ngrit aktakuzë për masakrën e Izbicës

Më: 29 mars 2022 Në ora: 13:47
Memorial me emrat e të vrarëve në Masakrën e Izbicës.

Prokuroria Speciale e Kosovës ka ngritur aktakuzë ndaj një personi, i cili është shqiptar me vendbanim në Beograd.

Kjo aktakuzë ka të bëjë me Masakrën e Izbicës së Komunës së Skenderajt e cila ka ndodhur me 28 mars të vitit 1999.

Bëhet fjalë për Muhamet Alidemaj, i cili jetonte në Zemun te Beogradit dhe për 22 vjet ishte llogaritur si i i zhdukur dhe është arrestuar me 30 mars të vitit të kaluar.

Familja e të dyshuarit jetonte në Kerrninë të Istogut, në një lagje ku më parë jetonin serbët.

E bashkëfshatarët e tij, me 31 mars të vitit 2021, i kishin thënë Klan Kosovës se Muhametin e kishin ditur për të humbur në luftë.

Alidemaj u ndalua si i dyshuar si pjesëmarrës në Masakrën e Izbicës ku u vranë 147 civilë shqiptarë.

Ndryshe, masakra në Izbicë hyn në radhën e krimeve më të rënda të Serbisë, ku vrasja masive dhe varrimi i trupave, u bënë të njohura përmes pamjeve satelitore.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat