​Koncert madhështor nga orkestrat e ushtrive të Shqipërisë, Kosovës, NATO-s e SHBA-së

Lajme

​Koncert madhështor nga orkestrat e ushtrive të Shqipërisë, Kosovës, NATO-s e SHBA-së

Më: 3 dhjetor 2022 Në ora: 23:22
Foto ilustrim

Një koncert bamirësie për familjet e fëmijëve të lënduar në luftën në Ukrainës, është mbajtur për herë të parë në Pallatin e Kongreseve në Tiranë, nga orkestra e ushtrisë shqiptare, ajo e Kosovës, vendeve të NATO, si dhe SHBA.

110-vjetori i Pavarësisë së Shqipërisë përkon njëherësh edhe me 110-vjetorin e krijimit të ushtrisë shqiptare. Me këtë rast, Ministria e Mbrojtjes dhe Forcat e Armatosura të Shqipërisë organizojnë për herë të parë në 3 dhjetor 2022, ora 19:00 në Pallatin e Kongreseve, koncertin madhështor “110 vjet Forca të Armatosura – Së bashku për paqen”.

Kryeministri i Shqipërisë, Edi Rama në një postim në rrjetet sociale kishte njoftuar se në koncert do të performojnë mbi 300 artistë nga Orkestra Simfonike e Forcave të Armatosura, banda e ushtrisë shqiptare, si dhe bandat e ushtrive të Kosovës, vendeve të NATO, si SHBA, Britania e Madhe, Franca, Italia, Greqia, Maqedonia e Veriut, Kroacia dhe Sllovenia.

Ndërkohë, sonte Rama ka publikuar edhe një video nga ky koncert madhështor.

Kjo është hera e parë që një aktivitet i këtij dimensioni zhvillohet në Shqipëri. Mbështetës të këtij aktiviteti ishin Ministria e Kulturës, bashkia Tiranë dhe Ambasada e Ukrainës në Shqipëri. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat