Një video e publikuar në mediat sociale tregon një nxënës 15-vjeçar teksa hap zjarr me një armë, në një shkollë private në Meksikë.
Aty shihet një nxënës, i cili papritur ngrihet në këmbë gjatë orës së mësimit dhe nis e qëllon në drejtim të shokëve e shoqeve të klasës.
Mësuesja dhe tre nxënës kanë mbetur të plagosur nga ky incident, e më pas 15-vjeçari ka vrarë veten me pistoletë.
Mediat vendase shkruajnë se sulmuesi ka qenë duke u trajtuar për depresion.
Zëdhënësi i sigurimit të shtetit Aldo Fasci ka deklaruar se mësuesja 24-vjeçare, një vajzë dhe një djalë të moshës 14 vjeç, kanë marrë plagë në kokë. Ndërsa një 14-vjeçar është plagosur në krah.
Fasci shtoi se djali e ka marrë armën nga shtëpia dhe se ende është e paqartë se si ka arritur ta bëjë një veprim të tillë.
Më herët, Meksika kishte në program që të kontrolloheshin çantat e nxënësve para se të hynin në mësim, por në disa vende nuk u respektua.