Sot në mbarë botën shënohet edhe dita botërore e prindërve. Asambleja e Përgjithshme e Kombeve të Bashkuara në mbledhje plenare të 17 shtatorit 2012, miratoi një rezolutë ku thuhet se 1 qershori shpallet dita botërore në nderim të prindërve në të gjithë botën.
Kjo rezolutë fton shtetet anëtare të OKB-së të festojnë ditën botërore të prindërve në kuadrin e marrëdhënieve të partneritet të gjithanshëm me shoqërinë civile, në veçanti me pjesëmarrjen e të rinjve dhe fëmijëve, për të marrë pjesë në veprimtaritë kushtuar kësaj Dite.
Ndërkohë, Vatikani i konsideroi prindërit ditën e 1 qershorit 2013 “heronj të ditëve tona”.
Dokument
Rezolutë e miratuar nga Asambleja e Përgjithshme e Kombeve të Bashkuara
Dita Botërore e Prindërve
Asambleja e Përgjithshme
1. vendos të shpallë 1 qershorin ditën botërore të prindërve, që do të festohet çdo vit në nderim të prindërve në të gjithë botën;
2. fton shtetet anëtare të festojnë ditën botërore të prindërve në kuadrin e marrëdhënieve të partneritet të gjithanshëm me shoqërinë civile, në veçanti me pjesëmarrjen e të rinjve dhe fëmijëve;
3. i kërkon Sekretarit të Përgjithshëm që për rezolutën aktuale të vihen në dijeni të gjitha shtetet anëtare, organizatat e sistemit të Kombeve të Bashkuara dhe organizatat e shoqërisë civile, me qëllim që në mënyrë të përshtatshme të marrin pjesë në veprimtaritë kushtuar kësaj Dite.
Mbledhja plenare e 130-të.
Më 17 shtator 2012.