Këshilltari i Ministrit të Arsimit, Shkencës dhe Teknologjisë në largim, Lah Nitaj që vjen nga PDK ka thënë se pavarësisht investimeve që janë bërë në fushën e arsimit parauniversitar, duhet të bëhet akoma më shumë.
“Kemi vënë fokusin në gjithë përfshirjen, përjashto këtu fëmijët nga mosha 0 – 5 vjeçare jemi të kënaqur me pjesëmarrjen e fëmijëve ne sistemin shkollor, jemi me parametrat e standardit të rajonit”.
“Orientimi ynë është që të kemi më shumë kopshte dhe çerdhe në mënyrë që familjet të lirohen nga një barrë e madhe, sidomos çiftet e reja”.
Nitaj ka thënë se kur flitet për arsimin parauniversitar duhet të kihet parasysh se ndërlidhet në mënyrë direkte edhe me bashkëpunimin me komunat.
“Sistemi arsimor parauniversitar është plotësisht në autoritetin e komunave”.
Ai ka folur edhe për Ligjin për Inspektoriatin e Arsimit.
“Jemi përpjekur dhe kemi adaptuar një Ligj të avancuar për Inspektoriatin e Arsimit”.
“Për hir të vërtetës, ka ekzistuar një Ligj për Inspektoratin, por tashmë ka ardhur koha që kemi draftuar një ligj, shpresojmë që në legjislaturën e re të ecë përpara dhe të fillojmë me implementimin e tij sepse është impakt i drejtpërdrejtë në cilësinë e arsimit”.
