(E plotësuar) - Gazetari Vehbi Kajtazi është sulmuar fizikisht në qendër të Prishtinës.
Ngjarja ka ndodhur para pak minutash në një nga lokalet në Prishtinë ku po qëndronte gazetari Kajtazi.
Sipas dëshmitarëve, atij i është afruar një person i cili e ka goditur në fytyrë gazetarin, duke e përgjakur.
Megjithatë, në një fotografi që ka siguruar media pak minuta pas sulmit, gazetari Kajtazi duket të jetë në gjendje të mirë, pas sulmit.
Ndërsa policia sapo e ka arrestuar Faton Ramadanin, pjesëtar i familjes Kiçina për sulmin ndaj gazetarit Vehbi Kajtazi.
Gazetari Vehbi Kajtazi, është sulmuar fizikisht në qendër të Prishtinës. Ngjarja ka ndodhur rreth orës 14:30 në një nga lokalet në kryeqytet.
Kajtazi ishte duke u larguar nga kafeneja në të cilën ishte duke qëndruar, në momentin kur një person i është afruar gazetarit dhe e ka sulmuar me grusht në fytyrë, ka treguar një dëshmitar.
Në Polici janë shoqëruar edhe persona tjerë që kanë qëndruar bashkë me Faton Ramadanin.
Policia e Kosovës ka arritur në vendin ku ka ndodhur sulmi ndaj gazetarit Vehbi Kajtazi, rreth 10 minuta pas ngjarjes nga e cila Kajtazi mbeti i përgjakur në
fytyrë.
Pjesëtarët e Policisë aktualisht janë duke e intervistuar gazetarin Kajtazi,.
Po ashtu, njoftohet se po interviston edhe personat të cilët kanë qenë bashkë në të njëjtën tryezë me sulmuesin e Kajtazit, në momentin kur ka ndodhur sulmi.
Vehbi Kajtazi ishte duke u larguar nga kafeneja në të cilën ishte duke qëndruar, në momentin kur një person i është afruar gazetarit dhe e ka sulmuar me grusht në fytyrë, ka treguar një dëshmitar.
Vehbi Kajtazi ka mbetur i përgjakur nga goditja, dhe menjëherë është futur brenda në lokal. Ndërsa, sulmuesi është larguar menjëherë nga vendi i ngjarjes.
