Njëriu që i shkoi hap pas hapi për më shumë se një decenie Presidentit Ibrahim Rugova, ka shpalosur sot vetëm një pjesë të ditarit të tij për Konferencën e Rambujesë.
Adnan Merovci në një postim të tij në Facebook ka paralajmëruar se së shpejti do të botojë Ditarin e tij nga Konferenca e Rambujesë.
Në një faqe të ditarit botuar si fotografi, Adnan Merovci shkruan;
16.02.99, e shtune
Sot u nisëm për Paris (Rambuje). Pas presioneve që bëri G.i Kontaktit dhe Nato-ja Serbia lejoi fluturimin tonë.
Fluturuam me dy aeroplanë francezë dhe atë:
Në njërin I. Rugova, Qosja, Mehmeti, I Ajeti, A. Merovci. Pas pak na u bashkangjitën: J.Krasniqi, R.Buja, A.Syla…dhe Florim Krasniqi.
Në aeroplanin tjetër ishin: F.Agani, Hyda (H.Hyseni) Edita (Tahiri) Skenda, B.Kosumi, V.Surroi , B.Shala, Dugagjin Gorani.
Takimi I parë ynë me UÇK-në ishte shumë i përzemërt. Unë insistova që në avionin tonë të jenë të UÇK-së.
Ne fluturuam n’ora 13.30. Në Paris (Aeroporti ushtarak) arritëm në 16.30.
N’ora 18 arritën në Rambuje…
