Ministri i Jashtëm serb Ivica Daçiq deklaroi një të pavërtetë duke argumentuar se Kosova ka vendosur të braktisë dialogun e Brukselit, kanë thënë burime joformale pranë qeverisë në Kosovë.
Ata komentuan deklaratën e djeshme të Daçiqit që e quajtën deklaratë të rreme pasi tha se “qeveria ka marr vendim që Kosova të mos e zbatojë marrëveshjen për formimin e Asociacionin e Komunave me shumicë Serbe, andaj dialogu do të kthehet në pikën zero”.
Sipas bashkëbiseduesve tanë, shkruan Danas “qeveria e Kosovës përsërit se asnjë zyrtar i Prishtinës nuk ka mandat të marrë vendime jashtë kornizës kushtetuese”.
“Ky është një fakt që të dy Brukseli dhe Uashingtoni janë dakord. Korniza e vetme për themelimin e Asociacionit të Komunave është korniza kushtetuese e Kosovës. Marrëveshja e Brukselit vetë tregon qartë se arbitri i vetëm ligjor i marrëveshjes është Gjykata Kushtetuese e Kosovës”, thotë burimi për medien serbe.
Maja Kocijancic, zëdhënëse e Përfaqësueses së Lartë të BE-së, Federica Mogherini, njoftoi dje se marrëveshja për themelimin e AKS “duhet të zbatohen pa vonesë” dhe njoftoi një raund të ri të dialogut teknik në mes të Beogradit dhe Prishtinës, i cili do të mbahet nga 19 deri më 21 mars.
