Ministri i jashtëm serb, Ivica Daçiq ka thënë se Kosova nuk mund të themelojë ushtrinë e saj për shkak se këtë gjë nuk e parasheh Rezoluta e Këshillit të Sigurimit të Kombeve të Bashkuara 1244.
Daçiq, në një konferencë në Sarajevë, ka thënë se përfaqësuesit serbë në Parlamentin e Kosovës nuk do ta mbështesin këtë përpjekje të Kosovës.
“Kur flasim për ushtrinë e Kosovës, dokumentet e Këshillit të Sigurimit janë në fuqi. Nëse dikush dëshiron t’i ndryshojë, duhet të bëhet në formatin e njëjtë, në seancat e Këshillit të Sigurimit. Rezoluta 1244 ose ndonjë tjetër dokument nuk parashohin themelim të ushtrisë së Kosovës”, ka theksuar ai.