Frashër Oseku, gjatë ditës së sotme është ndaluar nga Policia e Kosovës, në pikën kufitare Hani i Elezit.
Oseku ka pasur fletëndalim, për arsye të përdhosjes së flamurit të Kosovës, në guacën e banjos së tij. Këtë fakt e ka pranuar edhe ai pasi është liruar, përmes një postimi në Facebook.
Por, ai ka bërë me dije se përsëri do t’i përbuzë simbolet e shtetit të Kosovës, shkruan "Bota sot".
Ky është postimi i plotë i tij në Facebook:
Sot kam pase fatin e zi me u ndalu prej shtetit te Kosoves, per te cilin kam luftu. Une ende mbaj cifla te granates ne krye e ne trup nga dy lufta. Por nuk mbaj asnje grime inat me Kosoven e lire, pse e mbaj ne zemer.
Me vjen keq qe m’i trazun femijet, por ndasht. Se osht mire me msu heret qysh me ndejte me kurriz drejte para pushtetit. Jane femije shqiptare kosovarli, e u duhet.
Flm avokaten ne detyre zyrtare Arbnore Zeqiri, si dhe Avokatin e Populllit, qe u angazhuan per mu. Me vjen keq qe ju shkaktun trazim per mu. Flm edhe njerezve ne VV, qe me ndihmun ndonese nuk jam antar. Ju jeni drita e ketij vendi.
Une jam qytetar i lire. Une edhe mrena ne polici isha ma i lire se policet qe me moren ne pyetje. Nderoj institucionet e simbolet qe me nderojne lirite e te drejtat e mia. Perbuz institucione e simbole qe me perbuzin lirite e te drejtat e mia si qytetar. Kjo eshte esenca e demokracise.
Uroj qe kete ta mesoje ky shtet, per te cilin kam dhane e jap prape.