(E plotësuar) - Prokurorja e Prokurorisë së Prizrenit, Nazan Shero, ka kërkuar një muaj paraburgim për Dibran Hoxhën.
Hoxha është arrestuar dje nga Policia e Prizrenit nën dyshimin për lëndim të rëndë trupor.
Ridvan Hoxha ishte në arrati që nga e shtuna.
Prokurorja Shero tha se ekziston dyshimi i bazuar se Dibran Hoxha në bashkëpunim edhe me dy persona të tjerë, që tashmë veç gjenden në paraburgim, ka kryer veprën penale lëndim i rëndë trupor.
Avokati i Hoxhës, Avni Berisha, e ka kundërshtuar masën e paraburgimit duke thënë se nuk ekziston rreziku për përsëritjen e veprës penale dhe se dy familjet janë pajtuar mes vete dhe dje klienti i tij vetë është dorëzuar në Polici, shkruan kallxo.
“Ai bashke me mua është lajmëruar në polici në stacionin në Lubizhdë- Prizren. Klienti im Dibrani para Policisë e ka pranuar veprën penale dhe është menaxher i një restoranti me emrin “Kobra city” dhe klienti im ka identitet dhe e kundërshtoj masën e paraburgimit që po e kërkon Prokuroria”, tha avokati.
Avokati kërkoi një masë më të lehtë dhe tha se janë të gatshëm të hynë me masën e dorëzanisë.
Fotografi ekskluzive, Dibran Hoxha - Kobra në Gjykatë
I dyshuar për lëndim të rëndë trupor, menaxheri i lokalit të natës “Kobra City”, Dibran Hoxha, është sjellë i prangosur në Gjykatën e Prizrenit.
Dibran Hoxha po dyshohet për veprën penale – lëndim i rëndë trupor.
Ai ishte në arrati që nga e shtuna.
Hoxha u arrestua dje nga Policia e Prizrenit.
Në këtë seancë, prokurori i rastit kërkoi një muaj paraburgim për të dyshuarin.
Këto janë fotot nga salla e Gjykatës në Prizren.