67 mijë euro dreka zyrtare i ka shpenzuar Kuvendi i Kosovës për vetëm gjashtë muaj. Ndërsa për akomodim të deputetëve gjatë udhëtimeve jashtë Kosovës, i ka kushtuar 91 mijë e 187 euro.
Kështu thotë analisti politik Imer Mushkolaj përmes një postimi në Facebook.
Me një përllogaritje të thjeshtë bëjnë 158 mijë e 187 euro që Kuvendi i Kosovës i ka shpenzuar para të buxhetit dhe taksapaguesve për “qejfin” e tyre.
“Për gjashtë muaj vetëm për dreka zyrtare Kuvendi i Kosovës ka shpenzuar 67 mijë euro, derisa akomodimi i deputetëve gjatë udhëtimeve jashtë vendit ka kushtuar 91 mijë e 187 euro. Mirëmëngjesi!”, shkruan Mushkolaj, transmeton gazeta “Bota sot”.