Brnabiq në Vjenë shpreh shqetësimin për taksën në mallrat serbe, kështu i përgjigjet Haradinaj

Lajme

Brnabiq në Vjenë shpreh shqetësimin për taksën në mallrat serbe, kështu i përgjigjet Haradinaj

Më: 19 nëntor 2018 Në ora: 21:53
Ana Brnabiq dhe Ramush Haradinaj

Kryeministri i Kosovës, Ramush Haradinaj iu përgjigj homologes së tij serbe, Ana Brnabiq rreth taksës për importin e produkteve të Serbisë dhe Bosnje e Hercegovinës.

Argumentet e tij shefi i qeverisë kosovare i paraqiti në Vjenë, në takimin e kryeministrave të Ballkanit Perëndimor me zyrtarë të lartë të Bashkimit Europian.

Kryeministrja serbe, Brnabiq tha se taksa e vendosur për mallrat që importon Kosova nga Serbia “nuk është vetëm shkelje e marrëveshjes së CEFTA-s, por edhe një diskriminim i pastër ndaj Serbisë dhe çdo gjëje serbe”.

Por i menjëhershëm ka qenë reagimi i kryeministrit Haradinaj, i cili nuk i dha shpjegime kreyministres serbe nëse do të hiqet kjo taksë, por vetëm sqaroi arsyet e marrjes së këtij vendimi ndaj Serbisë e cila, sipas tij, e ka diskriminuar Kosovën dhe mallrat e saj.

“Asnjë, kamion, asnjë mall, asnjë produkt nga Kosova nuk mund të udhëtojë nëpër Serbi, për tek një ekonomi tjetër për shkak të barrierave jo tarifore”, tha Haradinaj.

commentFirst article
Sot mund të lexoni Shfletoni kopertinat