Kryeministrja e Serbisë Ana Bërnabiq, ka biseduar sot me ministrin e Jashtëm të Libanit, Gebran Bassil.
Ajo me këtë rast e ka falënderuar Libanin që “e respekton integritetin territorial të Serbisë dhe që nuk e ka njohur pavarësinë e Kosovës”.
Me shefin e diplomacisë libaneze është takuar edhe ministri serb i Punëve të Jashtme të Serbisë, Ivica Daçiq.
Siç përcjell tanjug, Daçiq e Bassil, janë pajtuar se “Kosova nuk është çështje vetëm për Serbinë por edhe për të Drejtën ndërkombëtare”.
Daçiq ka përkujtuar se Libani, si mik i Serbisë, ka votuar kundër anëtarësimit të Kosovës në UNESCO dhe INTERPOL.
