Në parlamentin kanadez, deputetja uron shqiptarët në gjuhën shqipe për 28 Nëntorin

Lajme

Në parlamentin kanadez, deputetja uron shqiptarët në gjuhën shqipe për 28 Nëntorin

Më: 29 nëntor 2018 Në ora: 10:51
Deputetja kanadeze, Julie Dabrusin

Deputetja kanadeze, Julie Dabrusin, në fjalimin e saj në Parlament, ka uruar shqiptarët në gjuhën shqipe për nder të ditës së pavarësisë.

Deputetja kanadeze, Julie Dabrusin, ka mbajtur një fjalim në parlamentin kanadez për nder të 28 Nëntorit.

Përmes këtij fjalimi Dabrusin, ka treguar në pika të shkurtra edhe historinë e kësaj dite për shqiptarët.

“Sot është Dita e Pavarësisë së Shqipërisë”, ka thënë deputetja Dabrusin, ku në shqip ka thënë fjalën “Dita e Pavarësisë”.

Tutje ajo ka vazhduar të tregoj për historinë e pavarësisë së Shqipërisë.

“Pas pesë shekujsh nën pushtimin e Perandorisë Osmane, Shqipëria shpallë pavarësinë më 28 nëntor 1912. Në këtë ditë, shqiptarët ngritën flamurin në Vlorë, ditë e cila prej atëherë njihet si ‘Dita e Flamurit”, deklaroi Dabrusin.

Krejt në fund, Dabrusin  në gjuhën shqipe ka uruar shqiptarët “Gëzuar Festën e Pavarësisë!”. 

commentFirst article
Sot mund të lexoni Shfletoni kopertinat