Kryeministri i Kosovës, Ramush Haradinaj, ka folur për transformimin e Forcës së Sigurisë së Kosovës në ushtri të mirëfilltë.
Haradinaj ka thënë gjatë një interviste në emisionin “Pressing” se ushtria e vendit, e cila do të krijohet të premten, do ta trashëgojë emrin nga Forca e Sigurisë së Kosovës.
“Ushtria jonë e ka emrin FSK”, ka deklaruar Haradinaj.
“Në disa vende ushtria e ka emrin Forcat e Armatosura. Ose Forcat e Sigurisë”, është shprehur ai.
“Mandati, misioni, është ushtria”, ka theksuar shefi i ekzekutivit të vendit.
Haradinaj ka deklaruar se FSK’ja “do të jetë ushtri, as më pak, as më shumë”.
Ai ka thënë se ushtria e Kosovës përkrahet nga aleatët e vendit – dhe do të jetë moderne.
