Gazeta kombëtare “Bota sot”, po vazhdon të dëshmojë se është ndër mediat e para në raportimin e lajmeve profesionale, të sakta dhe të paanshme.
Në vazhdën e sukseseve, janë edhe klikimet në faqen online të gazetës “Bota sot”.
Dëshmi për këtë, janë mbi një milion klikimet, të cilat “Bota sot”, i ka arritur gjatë ditës së djeshme (14.12.2018).
Duke ju referuar Googleanalytic (instrumenti më i saktë i matjes së audiencës), faqja online e gazetës “Bota sot”, Botasot.info, është klikuar më shumë se 1 milion herë brenda 24 orëve (1.009.090), duke shënuar kështu edhe një sukses të saj në lexueshmëri.
E gjithë kjo vjen pas një pune dhe angazhimi të palodhshëm nga i gjithë stafi i gazetës “Bota sot”, i cili do të vazhdojë rrugëtimin drejt sukseseve të reja, falë lexuesve që i qëndrojnë besnik.