Zëvendëskryeministri i Serbisë, Rasim Lajiq, deklaroi sot se nga data 21 nëntor deri më 11 dhjetor, janë plasuar 30 milionë euro më pak mallra serbe në Kosovë, krahasuar me të njëjtën periudhë të vitit të kaluar.
"Ky dëm është i madh dhe nëse vazhdon, kjo praktikisht do të thotë se tregtia është ndërprerë plotësisht, me përjashtim të markave ndërkombëtare sporadike që ende shesin mallra", tha Lajiq për TV Prva.
Ai shtoi se mallrat me origjinë serbe në Kosovë nuk do të ketë më pothuajse nëse mbetet në fuqi taksa prej 100 për qind.
Lajiq thotë se heqja e taksës ndaj mallrave serbe është kusht i palës serbe për vazhdimin e dialogut.