Në ç ́drejtim po lëviz kombi ynë?
mbi Prizren ende ka ré të zeza!
Asgjë s ́është më i vlerë se atdheu
flaka këngëve vetëm po i shtohet.
Ky qytet njëkombësh i Shqipërisë
shkruan Gjirokastra për Prizrenin,
është përtej 7 mrekullive të botës,
Prizreni ujin e vet e njeh nga etja.
Është vullnet qytetar i shqiptarëve
dhe përpjekje e të gjithë shekujve
që kombi ynë të mos bëjë më burg,
Çamëri e Shqipëri të jemi një shtet.
Atdheu po kuvendon në Prizren,
Në shtëpinë – shekull, të Lidhjes,
aty kemi një gjeni që, Vlora, Parga,
e Prizreni, të shpallen, Kryekëngë!
A do ta bëjë këtë histori atdheu
Që Prizreni e Vlora të bashkohen?
Retë në qiell mund të kenë rrufé,
por çasti e do këngën me e mprehë!...
Dora e atdheut
Çamëria s´lypet, Çamëria merret,
shpirt bëje dorën grusht e lëviz
Çamëria është tokë e Shqipërisë
vendi ynë shtrihet deri në More!
Zgjohuni bijë të të gjithë atdheut!
Atdheu sot të gjithëve na thërret
Çamët dhe arvanitët janë zgjuar,
Çamëria Shqipëri, është fitorja.
Atdhe, betohemi për Çamërinë,
çamët më s ́jetojnë të nënshtruar
Çamëri, vëje flamurin në Athinë
dora jonë fuqishëm është me ty!
Nuk heqim dorë nga Çamëria
nga tokat e stëgjyshërve pellazg
nga trashëgimia e të parëve tanë
Çamëri, për ty tërë bëhemi hero.
Për tokën, për qiellin, për detin,
Çamëria thërret të bashkohemi
dora jonë shtrihet deri në Epir,
ne jemi të vendit, të fuqishmit.
Nënat e çamërisë - poezi nga libri "Trokitje çame".
Ju thërrasim kundër heshtjes së gjatë
Ju thërrasim të dalim nga heshtja,
çamët kudo jemi një gjak. Aq sa na
vrau lufta, aq na vrau dhe paslufta.
Prej shpirtit e kemi të kryengritemi:
Janina kërkon Greqia të arrestohet,
Preveza kërkon Çamëria të çlirohet
Arta thërret: -Bashkim me Shqipërinë!
Çamëri, thuaje të pathënën që kurrë
s ́e ke thënë, çasti është të ngrihemi,
shpirtin e ke bletë të urtë e punëtore
e gjakun në trup si mjaltë të bimë.
Në qypin e gjakut do të votojmë,
çasti është të çlirohemi nga Greqia,
mjaft kemi vuajtur e fjetur si patate!
Çamëria thërret, për liri të ngritemi!
Qyteti me shkrepse - fragment nga poema me të njëjtin titull.
Kosovë Dardane bjeri heshtjes
këndo me tërë fuqinë qe ke
në dhomë, në banjo, në balkon
këndo në të gjitha shtëpinë
mbushi rrugët me veten tënde
të dëgjoj toka e të dëgjoj qielli
këndo tek të mbjellat tua, bërtit,
dhe mbushe gojën me thirrje
ngrite zërin e përbashkimit tënd
nëpër qytete dhe fshatra, këndo
me sa fuqi ke , dhe shpërndaji
këngët; Shqipëri është Kosova!
Shqipëri janë Iliriada e Çamëria
Shqipëri jemi trojet shqiptare
Ilir, këndo të dëgjojnë të rënët
Se këtu jemi ! Dhe gjallë jemi !